November ni 11, 2025 hian 2-Dampa (ST) AC By- Election neih ani dawn a, vote tlate hi November ni 14, November, 2025-ah chhiar a ni ang.
Tarlan tawh angin Dampa Bial MLA tanglai Lalrintluanga Sailo chu a boral avangin inthlanna hi neih ngai a ni a. 2-Dampa (ST) AC ah hian Voters Mipa 10605 leh hmeichhia 10185 an vaiin 20790 an awm a, Polling Station 41 awmin, Voters tlemna ber hi 2/12-Zopui Polling Station niin Voters 30 an awm a, Voters tamna ber hi 2/17 - Silsury -I Polling Station a ni a, Voters 1103 an awm a. Service Voters hi 115 an awm bawk a ni.
Dampa bial by-election-ah hian candidate panga awmin, chungte chu ZPM Vanlalsailova, MNF Dr. R. Lalthangliana, Congress John Rotluangliana, BJP Lalhmingthanga leh PC Party atangin K. Zahmingthanga te an ni.
Dampa bial-a khaw hrang hrang awm kan hriat theih te 2/1 in a kim lo maithei, West Phaileng, Kawnmawi, N. Chhippui, Lallen, Saithah, Parvatui, Phuldungsei, Keisalam 1, Zopui W, Phulpui, Hnahva, Silsuri, Pukzing, Ailawng, Reiek, W. Lungdar, Khawrihnim
Lungphun, N. Kanghmun, Rulpuihlim, Chungtlang, Tuahzawl, Bawlte, Bawngthah, Darlung, S. Sabual, Hruiduk, Marpara North
te a ni.
