NSUI hruaitu ten MPSC hotute an kawm. tun hnai a MPSC mualphona hrang hrang leh a siamthat dan turte an sawi ho.
Vawiin May 27, 2026 (Nilaini) khan National Students Union (NSUI) Mizoram hruaitute chu MPSC Office-ah lengin, MPSC Secretary leh Official pawimawhte nen tunhnaiah MPSC mualphona hrang hrang leh a siamthat dan turte an sawi ho tih thuchhuah siamin an sawi.
NSUI chuan tunhnaia an chetsualna hrang hrang vanga MPSC laka Mizoram thalaite rinna tlahniam ta chu pawi an tih thu an thlen a. Political pressure na tak karah pawh MPSC chu nghet taka ding a, dik leh fel taka hnalakna hrang hrang kalpui tura an duh thu leh, tunhnaia an tihsual hrang hrang siamtha tura hma an lak ngei kan duh thu thlenin, an hmalak meknate an zawtfiah tih an sawi bawk.
MPSC hotute pawhin an dinhmun sawifiahin, tunhnaiah MES engemawzat lakna a thil dik lo awm chhuifiah tura Inquiry an kalpui mek thu an sawi bawk a. NSUI hruaitute pawhin thil dik lote chhuichhuak a, mawhphurtute laka dan anga action lak a nih ngei an beisei thu leh, inquiry result leh an hmalak zui dan an thlir reng tur thu an sawi bawk a.
Hei bakah hian MPSC hmasawnna tura rawtna hrang hrang an neihte MPSC hotute hnenah thlenin an sawiho niin an sawi bawk.
