BJP hi hlauh chi ni lovin thawhpui chi zawk a ni. JB Rualchhinga State VP
BJP Mizoram chuan vawiin 25th May, 2026, Thawhṭanni khan Karthar Inhlanna leh Political political Session an nei a. JB Rualchhinga, State Vice President-in thu sawiin, Mizorama Political Party, hmabâk êng tak nei kan nih avangin Mizoram mipuite pawhin BJP chu kan la Sorkar tir ngei dawn a ni," a ti.
JB Rualchhinga chuan, "India ram hi khawvela mihring tamna ber kan ni tawh a, chuvangin mi ṭha tam tak karah mi ṭha lo tam tak pawh an awm dawn a ni tih hi kan hriat tlan a pawimawh. India ram hmun ṭhenkhat ah Kristiante tihduhdahna a lo thlen changa BJP kan hmuhdan dik lo tak mai awm ṭhin pawh hi kan Politician hmasa te'n thudik lo min lo fah nasat tawh vang a ni a, Congress Sorkar hunlai te pawhin Kristiante tawrhna tam tak an lo tâwk tawh a, BJP-te chuan Sakhua hmanga Dawt Politics hi an khel ve duh lo va, Development Politics, ram leh hnam hmasawnna hi an buaipui ber a nih zâwk avangin India ram pawhin nasa takin hma kan sawn a ti.
Congress Party-in India ram Kum 60 chuang an kaihhruai leh tuna PM Modi-a'n kum 12 chhung India ram a kaihhruaina a hmasawnna hi khaikhin chuan kan buaipui a inang lo hle tih kan hmu thei awm e. Chuvangin, BJP hi hmelma ena la en Mizo mipui ah tam tak kan la awm a, a chhan chu, kan la hriat tâwk loh vang a ni, a ti a
BJP hnathawh rah chhuah kan hmuh hian BJP hi hlauh chi ni lovin thawhpui chi zawk a ni tih a lang chiang hle a ni," a ti bawk.
