AMC Corporator tharte rinawmna thu tiamtira lakluh an ni
Vawiin khan AMC Corporator thlan tharte chu rinawmna thu tiamtira lakluh an ni. AMC Corporator thlan tharte hi Aizawl Bawrhsap Er. C. Lalhriatpuia'n rinawmna thu a tiamtir a. Ward No.1 aṭangin a indawt-a lakluh an ni a. Lakluh inkhawm hi AMC BoC Meeting Hall-ah neih a ni.
AMC Mayor atan Ward No.6 atanga thlan tlin Pu H. Lalremtluanga chu chuhtu awm lova thlan a ni a. Dy. Mayor atan Ward No.16 atanga thlan tlin Pi R. Lalawmpuii chu chuhtu awm lova thlan a ni bawk. AMC Maoyr leh Dy. Mayor te hi rinawmna thu tiamtira lakluh nghal an ni bawk a. Hemi hnu hian Mayor thar hian mi 4 Christina Roluahpuii Sailo, Vanlalhruaia, Vanlalfaka leh K. Lalrodinga te chu AMC Executive Council Members atan rawtin, rinawmna thu tiamtira lakluh nghal an ni bawk.
