AMC Inthlan a hman tur EVM te randomized a ni.
AMC hnuaiah hian Ward 19 awmin, Local council 89 a awm a, Polling Station 264 a awm mek a ni. AMC, 2026 Generals Election-ah hian VVPAT ( Voter Verifiable Paper Audit Trail) erawh hman a ni dawn lo.
Aizawl; 9th April, 2026: Vawiin khan Aizawl DC Meeting Hall-ah, AMC, 2026 General Election-a general observer atana ruat 4 : i) Pu R. Lalchanhima, Additional Secretary, Transport Dept. & District Council & Minority Affairs Dept., ii)Pi Irene Zohlimpuii, Additional Secretary, GAD, iii) Pu Lalnunhlua, Additional Sectretary, Agriculture & Farmers Welfare Dept. leh iv) Pi Angela Zothanpui, Director, School Education Dept. te leh recognized political party 4: INC, BJP, MNF leh ZPM aiawh te telpuiin EVM randomization hi neih a ni.
EVM randomization programme hi Er.Lalhriatpuia, District Election Officer leh District Municipal Election Officer, Aizawl district ni bawk chuan kaihruaiin, Municipal Returning Officer (MRO) leh Assistant Municipal Returning Officer(AMRO) te pawh kokim takin he programme-ah hian an tel.
Election thianghlim leh langtlang a awm theih nan Polling station tin a hman tur EVM te hi computer hmanga thlanchhuah/semdarh(Randomized) thin a ni a. EVM Engineer ten EVM an check vek hnua, AMC, 2026 General Election a tana hman tlak ni a pawm, an thlan chhuah (Balloting Unit-359 leh Control Unit-352) te chu 1st randomization-ah AMC Ward 19-a hman tura, Reserve 25% tiamin, computer hmanga semdarh (randomized) a ni a. 2nd Randomization-ah BU leh CU inkawp tur thlanchhuah ( randomized) leh a ni a. Tichuan Final randomization-ah Ward tin tana EVM thlanchhuah (randomized) tawh chu Ward chhunga polling station tin theuhva semdarh leh a ni.
AMC hnuaiah hian Ward 19 awmin, Local council 89 a awm a, Polling Station 264 a awm mek a ni. AMC, 2026 Generals Election-ah hian VVPAT ( Voter Verifiable Paper Audit Trail) erawh hman a ni dawn lo.
