AMC Ward 19 inthlanna lo awm tur atana Candidate 68 an awm.
State Election Commission chuan, Aizawl Municipal Corporation (AMC) inthlan ni atan April ni 21, 2026 a ruat a. April ni 27, 2026-ah Vote chhiar a ni ang. AMC inthlan lo awm tur hi rorel lai ZPM, MNF leh MPCC te chuan bial 19 an chuh kim vek a. BJP chuan bial 11-ah candidate an nei a. Independent candidate an awm lo. AMC ward 19 zinga paruk chu hmeichhe tan chauh-a chuh theih tura ruat a ni a. He tih lai hian tu pawhin a chuh theih bialah hmeichhe candidate 7 an awm a ni.
AMC inthlan lo awm turah hian vote nei Hmeichhia 128470 leh Mipa 109376 awmin vote nei zawng zawng mi 237846 an ni a. Polling Station 257 awmin, a tul anga Auxiliary Polling Station siam belh a ni ang. Inthlanna atan hian Bharat Electronics Limited (BEL) siam Electronic Voting Machine (EVM) hman a ni dawn a ni.
