State Election Commissioner Dr. H Lalthlangliana chuan vawiin chawhn dar 1 khan a office-ah member-te kumthar thingpui a inpui a, chhan hrang hrang avangin AMC inthlan chu budget Session zawh lam, kumin April/May thla velah neih a ngai dawn niin a sawi.
AMC inthlan atana hman tur Electoral Roll chu January ni 7, 2026-ah final tihchhuah a ni tawh a. Tuna AMC term March ni 1-ah zo dawn a, Political party te phurin inpeih viau mah se, Financial Year tawp dawn, Assembly Session nen innang dawn, sorkar hnathawk te tho chet chhuah a ngai dawn bawk a, budget Session a nih dawn bawk avang leh school exam te awm chho dawn bawk nen, chhan hrang hrang avangin April/May chho velah AMC inthlan neih theih beisei tih a sawi.
AMC ding lai term a tawp a nih chuan sorkarah hriattirin, sorkarin a enkawltu tur a ruat leh mai tura ngaih a ni. LADC inthlana EVM te ni 60 chhung khawih chet theih a ni rih loh tih a sawi bawk.
