Art & Culture Minister Live Museum hawnna hmanpui
Inrinni khan Art & Culture Minister C. Lalsawivunga chuan Art & Culture Department buatsaihin Live Museum hawnna chu Falkawna Mizo Typical Village-ah a hman pui a. Live Museum chu zinmite’n Mizo kutchhuak an hmuha an lei theih nan leh Mizo nihna leh hnam zia an zir theih nan a pawimawh thu a sawi a. Ei leh in pawh Mizo taka buatsaih niin, Live Museum chu tihchangtlun a nih chhoh zel a beisei thu a sawi a.
Live Museum Show hi a bul tan nan kartin Inrinni apianga neih tura ruahman a ni a. Art & Culture Department chuan heng ni October ni 25, November ni 1, ni 8 leh ni 15, 2025-ah te hian Live Museum buatsaih phawt a tum a, a tul dan azira buatsaih chhunzawm zel tur a ni. Mizoram State pawn atanga khualzin lo lut an pun belh zel avang te, tualchhung mipuite Local Tourism-ah kan harh thar zel avangtein chu’ng mite en tur leh chhim theih tur chuan Mizo Culture leh Tradition chawilar zel nan Live Museum hi buatsaih a ni.
