BJP Mizoram in Gas la nei lo ten March thla ral hma a dil turin ngen.
Vawiin khan BJP Mizoram Central Scheme Monitoring & Publicity Cell chuan, State BJP Vice President Vanupa Zathanga hovin an thukhawm.
BJP Mizoram Central Scheme Monitoring & Publicity Cell chuan, Pradhan Mantri Ujjwala Yojana (PMUY) Free Gas Connection ti a kan hriat chungchangah, Mizoram mipui, Chhungkua-a Gas connection la nei lo ten an neih theihna tur a tana, Prime Minister in Scheme a siam chu, chhungkaw harsa, Mizoram-a Gas neilo tam tak ten an neih theih phah tawh a, lawmawm kan ti hle a ni, an ti.
BJP Mizoram chuan, kumin atan March thla chhung chauh hawn a nih tawh avangin, Gas la nei lo ten March thla ral hma a, mahni Area Agency-ah dilna thehluh theih nise, engemaw a vanga harsatna nei an awm a nih chuan, office hun chhungin BJP Mizoram State Office-ah emaw, BJP District Headquarter office-ah zawhfiah theih a ni, an ti bawk.
CSM&PC Committee chuan, PM Scheme hrang hrangte central hruaitu ten ngun zawk a, state tina kalpui dan ngaihven tur an tih angin, Mizoram mipui ten nasa zawk leh tangkai zawka kan chhawr theih nan theihtawp an chhuah zel dawn tih an sawi a. Central Scheme hrang hrang-ah te pawh hriat duh leh zawh duh nei te chuan, BJP State Office Upper Republic Mipui Run-ah office hun chhunga zawhfiah theih a nih thu an sawi bawk.
