January ni 24. 2026: Nizan dar 8-a Central YLA CEC Emergency Meeting chuan, 12th Lai Autonomous District Council a MDC General Election neih zawh takah Sorkar-na siamthei an awm reng chunga ni 45 ral hnuah pawh, Mizoram sorkar atanga Approval tihchhuah loh chungchanga Central YLA hmalakna chuan awmzia a neihloh avangin, Central YLA CEC Emergency Meeting chuan ngun takin a ngaihtuah a, kan ram leh hnamin sorkar mumal kan neihloh avanga harsatna kan tawh zawng zawngte leh mipui tawrhna leh harsatnate avangin Sorkar mumal rang taka kan neih theih nan na zawka hmalak tha an ti a. Ni 26. January, 2026 Thawhtanni Zing Dar 5:00AM atangin Lawngtlai District chhungah tiam chin awm lovin "Total Bandh' neih nise tiin a rel a ni.
Central YLA chuan Lawngtlai District chhunga YLA Sub-Hqrs / Group leh Branch zawng zawngte mahni Area ah theuh ah Total Band hi kalpui tura ngen leh hriattir nghal an ni.
Tin, LADC-ah sorkarna mumal a awm theihna tura YLA hmalakna kal mekah, Central YLA chuan mipuite thawhpuina a ngen a, kan ram mipuite avangin a tul ang zelin Central YLA chuan hma a la zel dawn a ni, tiin an thuchhuahah tarlan a ni.
