Chief Minister leh DoNER Secretary an inkawm.
Aizawl the 11th May 2026: Nimin tlai khan Pu Lalduhoma, Chief Minister leh Pu Sanjay Jaju, Secretary, Ministry of DoNER te chu CM Bangla-ah an inkawm.
Chief Minister hian Sustainable Cultivation of Mizo Ginder USP NEC fund tur approved a nih avangin Secretary hnenah hian lawmthu a sawi a. Mizoramin sawhthing kan thar tha a, kan sawhthingte hi a quality a thain a thianghlim a. NITI Aayog chuan Ginger Capital of India-ah min puang hial a ni. He fund hi sawhthing chingtute tan a tangkai hle dawn a ni, a ti.
Chief Minister hian 10% GBS mumal zawk leh langtlang zawka kalpui a nih theih nana hmalak a tul thu a lo hrilh a. DoNER Secretary hian lo enzui a tiam a ni.
NESIDS (Roads) hnuaia Khankawn to Rongura Hmun hi 1.70 km vela sei laih belhin Thenzawl Buarpui Intermediate Lane a pawh thei a. A tangkai hle dawn a. Chuvang chuan a laih zawmna min ngaihtuahpui ula tia a rawtna pawh DoNER Secretary hian hma a lak tur thu a hrilh a ni.
Pu Sanjay Jaju hian Thenzawl Golf Resort tihchangtlunna atan private investor te an luh theihna tura hma lak a tum thu Chief Minister hi a hrilh. Mizoram sawrkar pending DoNER scheme project thenkhat te an sawi dun bawk.
