CM hovin Empowered Committee on Investment te an thukhawm.
Vawiin khan CM Conf. Hall ah Chief Minister Lalduhoma kaihhruaiin Empowered Committee on Investment te an thukhawm.
Meeting ah hian Mumbai-a inbun FC Tech Energy chuan Plastic Waste atanga Fuel Cell leh Sustainable Energy an siam dan sawifiahna (presentation) pein, Mizoramah chutiang hmunpui chu din an duh thu an thlen a. An ram mamawh tur ang te, tui an mamawh zat tur leh Power an mamawh zat tur te an sawi nghal a.
Committee hian a thuphungin FC Tech Energy te dilna hi pawmsak phawt ni se an ti a. Mumbai-a an Plant tlawh a, zirchian ni se an ti. An ram mamawh zat han pek theihna tur laite an sawiho bawk.
Khuanglenga Opickpure Private Limited ten Ginger Processing Unit an sak mek chungchang report ngaihthlak a ni a. Opickpure nen hian Mizoram sorkar chuan 20th September 2025 khan inremna (MoU) a lo ziak tawh a, company hian Rs. 2.50 Crore sengin Processing Unit an sa mek a, an zo tep tawh a ni.
Sorkar chuan Investment & Industrial Policy angin an mamawh thenkhat a siamsak ve mek a. Sorkar hmalakna pawh hi a zo thawkhat tawh a ni.
