CM-in chhiarpui 2027 atana mahni inziahluh bul a tan.
Tukin April ni 1. 2026 khan Chief Minister Lalduhoma chuan a chenna inah Census of India 2027 Phase-I (Houselisting leh Housing Census) self-enumeration hlawhtling takin a nei zo a. India ram chhiarpui 2027 Mizorama bul tanna a ni.
Chief Minister hi Directorate of Census Operations, General Administration Department leh Aizawl Municipal Corporation officials pawimawhten an tawiawm a. Chhiarpui an kalpui zuina turah duhsakna a lo hlan a ni.
Census of India 2027 hi thawh hniha kalpui tur a ni a. Thawh hmasa zawk Houselisting leh Housing Census hi vawiin April 1, 2026 atanga tan a ni. Thawh hnihna Population Enumeration hi February 2027-ah neih tan tur a ni ang. Tun tum census hi digital hmanga census kalpui hmasak ber tur a ni dawn a, mahnia Self-Enumeration tih theih a ni.
Self-Enumeration hun hi April 1 atanga April 15, 2026 thleng a ni a, April 16 atanga May 15, 2026 thleng House Listing leh Housing Census Mizoram pumpui-ah kalpui a ni ang.
Mahnia inziaklut tur te chuan official portal (se.census.gov.in) ah mobile phone hmangin inziahluh theih a ni a. Form submit hnuah Self-Enumeration ID (SE ID) a lo chhuak (generate) ang a, hei hi enumerator-te an lo kal hunah lo pek tur a ni.
Chief Minister a inziahluh hnuah tukin zing dar 9:30 khan K. Sapdanga, Home Minister pawh a chenna inah a inziaklut a, Vanlalhlana, Public Works Department Minister pawh zing dar 9:00 ah a inziaklut bawk.
Sorkar chuan chhiarpui hi tluang leh fel fai taka a kal theih nan khua leh tui te chu mahnia inziaklut turin a ngen a ni.
