Dampa Assembly bial by-election atana Home Voting Team-te chuan Dampa bial chhung lut tanin, Home Voting atana dilna lutte an awm hmuna vote thlaktir turin an kalchilh.
Tun thla ni 11 (Thawhlehni)-a, Dampa biala by-election vote thlak turah hian Election Commission of India-in a phal ang leh home voting atana phalna a pekte atangin kalchilha vote thlak dilna form 12 leh 12A atanga dilna lut kum upa kum 85 chunglam leh pianphunga rualbanlo voters 5 te'n vote hi an thlak dawn a ni.
Home Voting Team-te hi Team 4 ah inthenin, an chhuah hma hian Lalnunfela Chawngthu, Election Officer hovin an tihtur leh mawhphurhna hrang hrangte inhrilhhriat nawn leh a ni a. 2-Dampa(ST) AC bial chhung polling station 19 atangin, Home Voting dilna hi lut a awm a ni.
