Aizawl October 26, 2025: Aizawl Zoological Park (sahuan) chhunga thinglian thenkhat chu zai niin, nimin thleng khan heng an thingzaite hi sahuan enna kalkawngah dah khawm a la ni.
DD News palaiin Aizawl Sahuan, Sakawrtuichhuna gate duty-te hnen atanga thudawn danin Sahuan chhunga ramsa dahte tan a hlauhawm avangin heng thingte hi kih leh zai a ni a, Sahuan chhunga thing an kih, an zaina hmun hi Zawng dum- Spider monkey, leh 'red eared genun' dahna bul niin thing an kihte hi sahuan enna kalkawng sirah dah a ni a, Sahuan tlawhtute kalna atan pawh thenfai a nih loh avangin a hnawk hle a, thingzai te hi tum lian taktaka zai chhuahin an dah a ni.
Sahuan chhunga zawng dahna thenkhat chu a hungna a phui that loh vangin pawn lamah an chhuak thei niin thu kan dawng bawk a, zawng chhuakte hi a hung pawn- kea kalte bul hnai vawnban ah te an awm hlawm a ni.
