Excise & Narcotics Department leh 14 Bn Assam Rifles tangdun in Methamphetamine leh Heroin tam tak an man.
Vawiin ni 23rd January, 2026, chawhma dar 11:45 AM khan Mizoram Excise & Narcotics Department leh 14 Bn. Assam Rifles te tangdun chuan Champhai to Hnahlan Road, Ngur Kawnah Methamphetamine 2.2 kgs (20,200 tablets) an man a. A neitu nia hriat Lalhmangaihzuala (30) S/o Thawmliana (L), Ngur Vengthar, Champhai District a mi nia inchhal chu man nghal a ni bawk.
Tin, hemi ni vek, tlai dar 5:45 PM hian Ngur kawn, Zote to Ngur Road-ah Heroin 255 grams man a ni bawk a. Heroin man te hi sahbawn bawm 20 chhunga thun an ni a. Heroin neitu nia hriat Shavin Ahmed (24) S/o Isak Ali, Sujarkandi, Nilambazar, Karimganj District, Assam a mi nia inchhal chu man nghal a ni bawk.
Heng heroin te hi, Shavin Ahmed Jacket hak lai ah leh EECO van hnung dinglam kawngkhar chhunglam lining karah te thuruk an ni.
Heng ruihhlo phurhna EECO Van Registration No. AS11-EC-8633 hi man nghal a ni. Heng Heroin leh Methamphetamine man te hi The Narcotic Drugs & Psychotropic Substances Act, 1985 (NDPS Act) hmangin thubuai siamsak an ni a. Court-ah hruai nghal an ni.
