Mizoram Police 'Yesr of Discipline' 2026-2027 hawng. Mipui ten police-te chungah rinna an nghah ngam a tul. Home Minister
Vawiin May 6, 2026 khan, Home Minister K. Sapdanga'n Arya Mess Police Headquarters, Khatla-ah, police ten an hna tha leh khauh zawk a an thawh theih na tur atana duan 'Year of Discipline' a hawng.
Home Minister chuan Police officer zawng zawng te chu an thawhrimna leh ram tana an hna thawh-ah lawmthu hrilh, Year of Discipline-ah hian Discipline tha neih chu duhthlanna ni lo in, police hna a ban pawimawh ber leh neih ngei ngei tur zawk a nih thu a sawi.
Home Minister chuan Discipline piah lamah, mipui ten police-te chungah rinna an nghah ngam a tul thu sawin, Mizoram a ralmuan vanga inthlahdah mai tur an ni lo a, an uniform chu thuneihna ni lo in, mi te rawngbawl sakna kawr a ni tih hre thar leh turin Police Officer te a chu chah a, an nun a entawn tur awm chunga hna thawk tura fuih in, danglamna a awm tih mipuiin an hriat theih khawp in hna kan thawk tur a ni, a ti bawk.
Year of Discipline hian police te hnathawhna kawng hrang hrangah hma an sawn leh zual a, an policy te tha taka an zawm a, hun vawn dik leh rilru bakah taksa hrisel nei tur a hmalakna a ni dawn a ni.
