Home Minister hovin HPC-D(LF) rawn haw dan tur ruahman.
Vawiin khan Home Minister K. Sapdanga hovin a pisa-ah HPC-D (LF) “Lalhmingthang’s Faction” te rawn haw dan tur ngaihtuahho a ni a, DGP, Home Secretary bakah PHQ, GAD, Law & Judicial, Finance, DIPR, Aizawl bawrhsap bakah Home department leh PHQ hotute an tel a, Sakawrdai SDO (Civil) a tel bawk a ni.
Ruahman lawk dan chuan April ni 14, 2026 hian Sakawrdai-ah Mizoram sorkar leh HPC-D (LF) te hian inremna thuthlung “Memorandum of Settlement” an ziak ang a, a tuk April ni 15, 2026 ah Mizoram sorkarin an awm lailawkna tur a ruahmanah an insawn ang. April ni 30, 2026-ah CTI-Sesawngah silai tungin an ralthuamte an surrender bawk ang.
Meeting hian HPC-D (LF) te’n silai an tun dan tur leh hemi in a kaihhnawih ruahmanna chi hrang hrang chipchiar takin an sawiho a ni.
