Huan/lo ram hal hun chungchanga hriattirna.
5th February, 2026 : Khua a lo thalin huan/lo ram hal a lo hun leh ta a. Kan vah bak ram kan tih kan fo avangin kan ram thing leh mau, ramsa leh nungcha leh kan lui tui leh tui tlan tuikhur ten nasa takin a tuar thin a. Mihring te pawn nunna hial kan chan thin a ni. Heng zawng zawng laka kan him nan leh a hun taka lo hal a nih theih nan thupek chhuah a lo ngai leh ta a.
Chuvangin, Er. Lalhriatpuia, IAS, District Magistrate, Aizawl District chuan Section 163 of BNSS 2023 leh The Mizoram (Prevention and Control of Fire in the Village Ram) Rules, 2001 in thuneihna a pek angin huan/lo ram hal chuangchangah hetiang hian Aizawl District mipuite zawm turin thupek a chhuah :-
l. Aizawl District huam chhungah Huan/lo/leipui/ram hal turte chuan March 15, 2026 hma in hal hman vek tur a ni.
Lengpui Airport hnaiha huan/lo ram nei te chuan 4:00 PM hnu lamah chauh an hal tur a ni.
Mei lam sial tha tawk lovin tumahin an hal tur a ni lo.
Huan/lo ram vah bak tih kan loh tur a ni.
Mi tumahin ramhnuaiah meichhem ti mit lovin an kalsan tur a ni lo.
He thupek hian chhuah a nih atanga thla hnih [2 months] chhung a huarn ang a. Zawm lo leh bawhchhia an awm chuan an chungah Section 223 of BNS 2023 leh The Mizoram (Prevention and Control of Fire in the Village Ram) Rules, 2001 Section 8(1) & (2) hmangin hremna lek a ni ang.
He thupek hi vawiin 5 February, 2026 [Ningani) hian Magistrate Seal-a nemnghetin hming a ziah hnan.
