Kolasib District Magistrate in ramri-ah fimkhur turin mipui-te a chah.
Kolasib District Magistrate chuan thuchhuah simin, thenawm state Assam in inthlanpui an hmachhawn mek avangin ramri-ah fimkhur turin mipui-te a chah.
Thawhlehni-a hriattirna a tihchhuah-ah Kolasib District Magistrate Lalmuanpuia chuan thenawm State Assam-in inthlanpui an hmachhawn mek avangin ramri-ah fimkhur turin mipui a chah a. ECI kaihhruaina hnuaiah State inrina chheh velah venhimna uluk leh khauh zawka kalpui mek a ni a, duty leh patrolling te pawh uar taka neih a nih avangin ramri hrula khawsa leh veivak thinte chu fimkhur thiam tur leh thil pawi thleng thei laka inveng theuh turin a chah.
Kolasib District Magistrate chuan, Pathianni zana Bairabi Zophai-a boruak tha lo tak thleng chu Kolasib District Administration in pawi a ti hle a ti a, mipuite chu thlaphang lo tur leh thlamuang taka awm a, District Administration leh Sorkar hmalaknate thlawpa, theihtawp chhuah tlang theuh turin a ngen a ni.
