Hachhek Bial Kuhva Chingtu Pawl (HBKCP) chuan Ni 3.2.2026 khan Mizoram chhuahsanin ni 5 chamin Guwahati leh Meghalaya-ah Kuhva hralhna leh sawngbawl dante a theih ang anga zir chianna an nei.
HBKCP member te hi Guwahati Mizoram House-ah Asst.Resident Commissioner Pi Juliet Chhakchhuaki'n lo dawngsawngin, ARC te nen ruahmanna an siam hnuah Guwahati area hmuna Fancy Bazar leh Beltola Bazar a tualchhung kuhva rate leh an zawrh dan kalphungte zir chian a ni. Tezpur leh hmun danga Kuhva hring leitute leh kuhva sawngbawl lam buaipui ṭhinte pawh biak pawh an ni bawk.
Hemi hnu hian Meghalaya N.Garo Hills Dist khawpui Resubelpara leh a chhehvel a kuhva an sawngbawl dante leh an hralh dan te zirchianna neih leh a ni a, N.Garo Hills a ABRI FPO Multipurpose Cooperative Society Ltd. hmun tlawhin, Kuhva an lei dan leh an sawngbawl dante, an hralh dan system te zawtfiahin an hmun hmate tlawh a ni bawk a, Horticulture Dept. aiawh in Pu Barclay Marak in alo dawngsawng bawk a ni.
HBKCP member te hi mahni insengso a tour nei an ni a, Kuhva Market leh Processing system chungchang an zir chiannaah hlawk thlak an tiin thil tam tak an zir chhuakin an in hria a ni.
