Mizoram Excise & Narcotics Department-in kumin January atanga September ni 15 thleng khan heroin kg 29 leh gram 210 an man tawh a, hemi chhung vek hian methamphetamine kg 182 leh gram 936 an man tawh bawk.
Excise & Narcotics department hian September ni 15 thleng khan Ruihhlo kaihhnawihah mi 724 an man tawh a. Narcotic Drugs and Psychotropic Substances Act, 1985 hmangin thubuai 409 an ziak lut tawh bawk a ni. Excise & Narcotics Department chhinchhiah danin kumin January ni 1 atanga October ni 16 thleng khan Mizoramah ruihhlo vangin mi 73 an thi tawh bawk.
