Lunglei police ten Myanmar a hralh tur Tuialhthei Barel 39 leh a chanve an man.
April Ni 3, 2026. Zonet JB Lunglei tarlan danin, Lunglei Police te chuan nizan khan Jedaz Filling Station-ah Myanmar lama phurh tur Tuialhthei load lai an man a. Lunglei Police te hian nizan zanlai Dar 12:00 pelh hlekah report an dawn chu bawhzuiin, District Magistrate khapna bawhchhiaa Jedaz Filling Stationa Tuialhthei Barrel pawl-a load lai an man a. Tuialhthei hi Myanmar lama thawn tur a nih thu, a leitu ten an pha lo ni a thudawn a ni.
Tuialhthei leitute -
1). C Chawngkunga. Thiltlang.
2). Isak Malsawmdawngliana. Zobawk
3). C Lalthanruala. Rahsiveng.
Jedaz Filling Stationa thawk, Tuialhthei lo pe tute -
1). Samy Sura. Bihar
2). Malsawmkima. Pukpui
3). K Lalhmingsanga. Zotlang
Tuialhthei Police in an man sak hi Barel 39 leh a chanve, Litre 7620 niin, Jedaz Filling Station a thawktute chuan an pu in pe tura a tih anga pe chhuak an nih thu Police te an hrilh a. Filling Station atanga Tuialhthei latu te hian anmahni ta tur a nih loh thu leh, a man (Pawisa) tuialhthei phurh tir tuten Gpay hmanga rawn pek an tum thu police te an hrilh a. Tuialhthei hi litre 1 cheng engzat in nge an lei dawn tih pawh an hriat ve loh thu sawiin, tuialhthei an in pek chhuah lai hian Pump tih thim vek a nih bakah Oil Meter chu engmah lang lo turin puan hmanga khuh phui vek a ni.
