Mizoram prison department in a chhinchhiah danin, January ni 10, 2026 thleng khan Mizorama lungin hrang hrang 11-ah tang 1,664, mipa 1,466, hmeichhia 185 leh an fate naupang 13 an awm mek.
Central Jail Aizawl-ah tang tam berin mi 480 awmna turah mi 843 an tang a, a leng zat aiin 363 in an tam zawk a. District Jail Champhai in dawtin, mi 105 lenna-ah mi 149 an tang a, a leng zat aiin 44 in an tam a. District Jail Aizawl-ah mi tang 90 lenna-ah mi 122 an tang a, a leng zat aiin 32 in an tam a. Women’s Jail, Aizawl-ah mi 96 lenna-ah mi 127 an tang a, a leng zat aiin 32 in an tam a ni. District Jail Lunglei-ah mi tang 109 lenna-ah mi 123 an tang a, a leng zat aiin 14 in an tam zawk a. Hetihlai hian District Jail Saitual-ah mi tang pakhatmah an awm lo thung a. District Jail Serchhip, Mamit, Lawngtlai, Kolasib leh Siaha ah te pawh mi tang leng zat aiin tang an tlem zawk a ni. Mizoram-ah dam chhunga jail tang tur (lifer) mi 55 an awm mek a. Jail 11-ah te hian lungin a leng zat (jail capacity) aiin mi tang 485 in an tam mek bawk a ni. (Thu lakna AIR Aizawl)
