Ningani zan khan Manipur Group YMA chuan Lamka Branch YMA Hall, Hmuia Vengah Inkhawmpui vawi 41-na an hmang a. Hmanpuitu Prof. Malsawmliana, General Secretary, Central YMA chuan, YMA Kumpuan 'Ruihhlo Do' hawngin, tunhnaiah Operation Jeriko avangin Mizorama ruihhlo luhna kalkawng țhenkhat a insawn niin a lang a, hemi chungchangah hian Manipur Group YMA te leh Joint Philanthropic Organisation (JPO) a Zofa hnam hrang hrang tlawmngai pawlte chu Mizorama ruihhlo lut tur dan kawngah theihtawpa țang ve turin a sawm.
Manipur Group huamchhunga Branch YMA te pawh mahni huamchhunga theuhtawpa ruihhlo do kawnga ke pen tur leh ruihhlo la ti ve lote leh naupangte hnenah inzirtirna nasa taka kal pui turin a chah a. Ruihhlo Do chu YMA leh sorkar kuta dah mai lova nu leh pa, kohhrante pawhin an mawhphurhna a ni a, theihtawpa țan la turin a sawm bawk.
Manipur Group YMA Inkhawmpui hmanpui hian Central YMA President R. Lalngheta leh Prof. Malsawmliana, General Secretary te hovin CEC member 20 an kal a. Tuiphal Group YMA hruaitute leh Silchar Branch President te an kal bawk. Zaninah Central YMA President, Pu R. Lalngheta'n thu a sawi ang. Tun dinhmunah Manipur Group YMA-ah hian Branch 21 an awm a, member 8 876 an awm mek a ni.
