Mizoram Public Service Commission (MPSC) in Mizoram Civil Services (Combined Competitive) Examination, 2025 a kalpui meka nimin ni 16.1.2025 a Mains result a tihchhuahah mi 66 an tling.
Nikuma MPSC in MCS Combined Competitive Examination a buatsaihah Preliminary Examination-ah Mains Exam hmachhawn turin mi 334 an tling a. Nikum October ni 22 atanga ni 30 inkar khan Mains exam hi buatsaih niin Mains Exam hmachhawn tura tling mi 334 zinga mi 320 in exam hi an hmachhawn a. Heng zingah hian mi 301 in exam hi bei tluanin exam chhawng thumna Personal Interview turin mi 66 an tling ta a ni.
Mains exam-a tling te hian tun thla ni 22 leh 23 chhungin medical exam an hmachhawn ang a. Personal Interview an neih ni tur erawh MPSC in an la tichhuak leh dawn a ni. Mizoram Civil Services (Combined Competitive) Examination, 2025 kapui mekah hian post 33 ruakin hetah hian Mizoram Civil Service post 15, Mizoram Police Service post 8, Mizoram Finance & Accounts Service post 2 leh Mizoram Information Service post 8 a ruak a ni.
