MSU-in board exam result a ranking tihlan loh ṭha an ti.
Mizo Students’ Union(MSU) General Headquarters, Aizawl chuan Mizoram sorkar hnena rawtna a thlen anga, school ṭan hun (timing) leh School Calendar tih danglam chungchang sorkarin a ti hlawhtling chu lawmawm a tin thu an sawi a.
MSU chuan Mizoram sorkarin pawl sawm(Class X) leh pawl sawmpahnih(Class XII) board examination result a ranking tihlan loh a tum pawh ṭha an tih thu an sawi.
MSU chuan ranking behchhana lehkha zir hian thiamna tak tak zirlaiteah a thlen lo tiin, hemi chungchang-a Mizoram sorkar hnenah kan lo thlen fo tawh thin, tuna a taka kalpui a ni tur hi lawmawm kan ti takzet an ti. Heng bakah hian Mizoram sorkar hnuaia Registered school zawng zawngte Grade System siam a nih theih nan MSU hmalak mekna pawh a hlawhtlin ngei theihnan MSU chuan hma a la chhunzawm zel dawn a ni, an ti bawk.
