Ni 3 chhung thli leh ruah thawk zui tura hmuh lawk a ni.
Kumin fur intham chho mekah, thli leh ruah nasa tak a thawk mek a, ni 3 chhung chu ruah leh thli hi a thawk zui tura hmuh lawk a ni a. Vawiin hian hriat theih chinah Aizawl leh District hrang hranag him tlan zawk nan sorkarin sikul a khar a ni.
Chief Minister Lalduhoma chuan Ṭo haw in thli na tham tak a rawn ken tel avangin hmun thenkhatah chhiatna a thlen tih a hriat thu sawiin, chhiatna tuarte hi sorkar chuan a thlahthlam dawn lova, dan anga tanpuina awm thei apiang a tihsak zel dawn a ni, a ti.
Chief Minister chuan, hriat theih chinah Chhipphir, Lungsei leh Sialsuk lamah te chhiatna a thleng tih sawiin, chenna in chan vek te, eng emaw zat chhia te an awm a. District Disaster Management Authority (DDMA) zawng zawngte chu tanpui ngaite rang taka lo tuamhlawm zel turin a chah a. Chhiatna tuarte tanpuia tha leh zung sengtu YMA leh khawtlang mipuite chungah lawmthu a sawi bawk.
Thawhtanni tlai thli tleh avang khan chhiatna thlengin, Serchhip District-a Bungtlang chhimveng-ah chenna in 5 a chhia a. Thenzawl Vengthar leh Kanan-ah te leh, Serchhip field veng-ah te in engemaw zat chhiain, Serchhip vengchungah in 3 a chhe bawk a. Heng in chhia te hi vawiin Thawhlehni hian a remchan dan anga thawm that hna khawtlang huapa thawh a ni.
Nimin tlai thli tleh ah khan thing tlu a tam hle a, vanduaina leh harsatna lian lutuk erawh thleng lo in, Serchhip khawpui chhung electric power erawh a la mumal thei meuh lo a ni. AIR
