Padma Shri Hav. Lalbiakthanga Pachuau kum 99-na AR in an lawmpui.
Tukin khan Padma Shri Hav. Lalbiakthanga Pachuau, Indopui Pahnihna a tel India sipai dam lai zing upa ber piancham chu 23rd Sector Assam Rifles 3rd Batallion-in lawmpuiin piancham chibai an buk a, kum 99 pianchampha chu nimin khan a hmang a ni.
Assam Rifles Band Party te chuan Chanmari, Aizawl-a an chennaah a piamcham vawi 99 na pualin tukin khan hun an hmang a, hei bakah hian 23rd sector Assam Rifles, 3rd Battalion hmun Khatla-ah a piancham puala cake zaina hun leh chhaw chhun kilhona an buatsaih bawk. DIG Brig. Puspendar Sorayan chuan Lalbiakthanga Pachuau piancham lawmna thu sawiin, Uniform ha tawh zinga senior ber leh sulhnu tha tak nei a ni a, ramchhung chawimawina sang ber adawng thei chu an chhuang hle a, Mizoram mipui te pawn amah ang entawn tlak an nei chu an vannei hle a ni, a ti.
Padma Shri Hav. Lalbiakthanga Pachuau hi March ni 25, 1927 khan Saichal-ah a piang a, a nupui Lalbiaksangi, Asst Matron (Rtd.) nen inneiin fa paruk an nei a, tu 17 leh tuchhuan 14 an nei a. India working journalist upa ber niin, kum 2020 khan Literature & Education journalism-ah Padma Shri Chawimawina hlan a ni a. Hei bakah hian sipai a tan lai leh a pension hnu in chawimawina hrang hrang thahnem tak a dawng a. Mizo ten kan hriat lar Akashvani Aizawl-a announcer hna a pension thlenga thawk, Radio artist Lalhungchhungi Pachuau hi a fate zing ami a ni bawk.
