PAMRA leh Ex-MNA ten Co-Ordination Committee an din. Zalenna sual kawng-a dawt a beihna do let leh thudik puan kawngah ke an pen dawn.
Vawiin June 9, 2026 (Thawhlehni) khan Mizo hnam tan zalenna sualtu Hnam Sipai, Peace Accord MNF Returnee Association leh Ex-Mizo National Army Association Joint meeting in a lo rel tawh angin. Pawl pahnih ten thawh hona ṭha an neih theih nan. Pawl pahnihte aṭanga member pariat ve ve telna Co-Ordination Committee din a ni a. Hruatu leh an chanvo turte Committee hian a la siam fel dawn a ni.
An thuchhuah tarlan danin, Keini hian Zoram tan zalenna kan sual ngei a, a takin kan thisen a farin, a takin nunna kan hlan a ni, an ti a. Zalenna kan sualna kawngah dawt a min beihna leh min hmusitnate do let tur leh, thu dik puang chhuak zel turin lungrual takin ke kan pen za dawn a ni, an ti bawk.
PAMRA leh Ex MNA Association joint Committee in a lo rel tawh te a hlawhtlin theih nan he Committee hian a bawhzuiin hma a la dawn a ni.
