DCF Chhimtuipui Wildlife Division chuan hriattirna a tichhuak a. Nungchate inthlahpun hun a her liam a, thlasik hun thengthaw a lo her chhuak leh dawn ta a. May ni 1 atanga October ni 30, 2025 thleng tlawh theih lohva khar mek, Phawngpui National Park chu November ni 1, 2025 atang khan vantlang tlawh theiha hawn a ni.
Chutih rual chuan Phawngpui National Park tlawh tum te tana thil hriat tur pawimawh, hengte hi kan han tarlang bawk e:
1. Luh phalna (Entry Permit) nei hmasa lovin Phawngpui National Park hi luh phal a ni lova. Entry Permit hi Thaltlanga Reception Counter- ah Entry Fee tul ang pein a lak theih ang. Tul bik thilah a hnuaia hming ziaktu leh bialtu RO hnenah phone call hmangin special permit a dil theih ang.
2. Department Authority atanga phalna nei tan lo chuan Forest Restaurant House, Far pak-ah riah leh Choka hman theih a ni lo.
3. National Park chhungah phalna bik nei tan ni lo chuan ni chhuah atanga ni tlak thleng bak chamban phal a ni lo.
4. Fur ruahtuiin kawng chhuat a hrut chhiat leh leimin- in kawngpui a tihchhiat te siamthat a la nih loh avangin Phawngpui National Park luh chhohnaah eng lirthei mah a tlan luh theih hrih loh bawk.
