PWD Minister in an hnathawh puanzar kawngah tanlak tul a ti.
Public Works Department (PWD) Minister Vanlalhlanana chuan, PWD hnathawhte mipuiin an hriat theih nan publicity-ah tan lak lehzual a ngai a ti.
PWD hnuaia hna hrang hrang thlirletna thutkhawm nimin-a, Aizawl Engineer-in-Chief Conference Hall-a neih-ah he thu hi sawiin, Pu Vanlalhlana chuan, sorkar hnathawh chu rawngbawlna a ni a, mipuiten hamthatna an dawn theih nana dik taka hna an thawh chu an tih makmawh a ni, a ti a. Kalkhawmte chu an dinhmun a te emaw a lian emaw, an hna chu rawngbawlna-ah ngaia, hmun nuam emaw hmun hrehawmah pawh phur taka an mawhphurhna hlen chhuak zel turin a fuih a. An kawng siamte a tlo theih zawk nan a enkawl dan mipui leh tlawmngai pawlte zirtir that a pawimawh thu a sawi bawk a ni
