Rajya Sabha MP inthlan chuh turin MNF official candidate-in hming pe
Dated Aizawl, the 8th June, 2026: Mizoram Rajya Sabha inthlan June ni 18, 2026-a vote thlak turah vawiin khan Mizo National Front (MNF) official candidate Pi Zothansangi Hmar chuan Returning Officer Pu Zothansanga Ralte, Commissioner & Secretary, Mizoram Legislative Assembly hnenah nomination a file.
Election Commission of India thuchhuah danin inthlan chuh tumte tan vawiin chawhnu dar 3:00 thlengin nomination a file theih a, nomination file te hi June ni 9, 2026 ah endik niin, June ni 11, 2026 thleng inhnuhdawhna hun hawn a ni ang.
June ni 18, 2026 (Ningani) zing dar 9 atanga tlai dar 4 thleng vote thlakna hun hawn a ni ang a, hemi ni vek tlai dar 5 ah vote chhiar nghal a ni ang.
June ni 18, 2026 hian Mizoram bakah Manipur, Meghalaya leh Arunachal Pradesh ah te seat 1 theuh, Andhra Pradesh, Gujarat leh Karnataka seat 4 theuh leh Rajasthan leh Madhya Pradesh-ah seat 3 ve ve leh Jharkhand a seat 2 hnawhkhat turin Rajya Sabha MP thlanna hi neih tur a ni.
