Republic Day vawi 77-na chu India ram hmun dang rualin January ni 26, 2026 (Thawhtanni) hian Aizawl-ah pawh Lammual-ah lawmna hun hman a ni dawn a. Mizoram Larsap Gen (Dr) VK Singh, PVSM, AVSM, YSM (Retd) chu he hunah hian khuallian a ni ang.
Lammual-a Republic Day lawmna hian zing dar ah 9 ah tan a ni ang a Khuallian chuan Hnam Puanzar a pawhparh hnuah Parade Contingent enfiahna neiin, Republic Day pual lawmna March-Past in a chhunzawm ang. Governor hnen atang hian Republic Day thuchah ngaihthlak a ni ang a. National/State Awards leh lawmman dangte semin a chhunzawm ang.
Ram khua leh tui te tana ni pawimawh tak Republic Day lawmnaah hian mipui a tam thei ang ber tel tura beisei leh sawm kan ni e.
