Vawiin 20.1.2026 khan Transport Minister Vanlalhlana hovin SAD Conference Hall No. 2, MINECO-ah Mizoram State Road Safety Council thukhawmin, Road Safety Month hman dan tur an rel.
Thutkhawmah hian Road Safety Month chu February 2026-a hman tura rel a ni a. Thupui thlan sa, ‘Sadak Suraksha Jeevan Raksha (Road Safety Life Safety)’ tih chu hman tur niin, February ni 2, 2026-ah a hawnna hun hman tura rel a ni.
District tinah Police Department-te nena tanghovin MV Act mila Special Enforcement Drive neih tur a ni a. Zirna in leh sorkar pisa hrang hrangah Road Safety Pledge chham tura rel a nih bakah, Police leh Transport Department-a thawktute’n kawngpui hmangtute, sikul naupangte leh lirthei khalhtute tan traffic dan leh dun chungchangah te, lirthei chetsualnaa inbawihsawm dan tur te leh bawihsawmtute thubuai laka an himna tur dan (Good Samaritan Law) chungchang te hrilhhriatna hun hmanpui tura rel a ni bawk.
