Serchhip District Jail-ah Health Camp neih a ni
Vawiin ni 30, March 2026 khan Serchhip District Legal Services Authority leh District Hospital, Serchhip tang kawp chuan District Jail, Chhiahtlang-ah inmates te leh thawk tu te tan health camp an buatsaih.
He health camp hi District Legal Services Authority Serchhip Secretary Josangzeli Tlau in a kaihruai a. District Medical Superintendent Dr. ZD Lalmuanawma leh District Jail Superintendent C.Vanlaltlana ten thu an sawi a ni. Health camp-ah hian Specialist Doctor panga ten inmates mi 71 leh naute pakhat leh thawk tu mi 10 te tan health check up an nei a. Non Communicable Disease (NCD) leh TB screening neih nghal a ni a. A thlawnin damdawi an sem nghal bawk a ni.
