Sihphir-a Urea hralh ruk leh dan lova pek chhuah chungchanga hmalakna leh mipuite hnena ngenna.
Dated Aizawl: the 03 April 2026 : MAHFED Ltd. thu dawn dan in Sihphir leh a chhehvelah, Fertilizer (Control) Order, 1985 kalhin urea hralh ruk leh dan lova pek chhuah a awm ni a hriat a ni a. He thudawn bawhzui hian, Managing Director, MAHFED Ltd. chuan, Sihphir-ah March 20, leh March 23, 2026 khan a hmun ngeiah enfiah in lei ṭha pek chhuah a nih dan zirchianna leh kut hnathawk tute nen a inkawmhona a neih nghal a ni.
Hengte atang hian Urea a mamawhtute tan a sorkar in man tlawm zawk a a pek chhuah thin chu sorkar bithliah, Kg 45/bag khat ₹260.40 aia sang tak bag khat ₹450 te a hralh ani tih hriat chhuah a ni a. He thil hian Fertilizer (Control) Order, 1985 Clause 3(3) a kalh bakah Essential Commodities Act, 1955 hnuai ah hrem theih a ni a. he thil ah hian M/s Zekyl Enterprises chu in hnam hnawih nia hriat niin, he enterprises hian Fertilizer (Control) Order, 1985-in a phut lehkha pawimawhte pawh a neilo ni a hriat a ni a; Hei hian a chung a tarlan tak Dan (FCO 1985) Clause 7 chu a kalh bawk a ni.
Heng zawng zawng thlir chung hian MAHFED Ltd. chuan hma la nghal in, a chunga tarlan tak Cooperative society hnenah hian show cause notice a pe nghal a. Thuneitute nen ṭang rual in M/s Zekyl Enterprises in dan Kalha hma a lo lak tawhnate chhui zui nghal a nih bakah, arang thei ang ber a dan kalh a hmalakna awmte tih tawp leh dan kalh a che nia hriat te chunga dan ang tak a hmalak dan tur a ngaihtuah nghal bawk a ni.
Sorkar chuan kuthnathawktute dikna chanvo tihbawrhban sakna leh dan kalh a chetna hi uluk tak in a vil zui zel dawn a. Heng thil a in hnam hnawih lo tur leh sorkar lo thawhpui zawk zel tur in mi zawng zawng a ngenin a hriattir a ni.
