Social Welfare leh Mizoram Synod hotuten Jordan Center an tlawh
Vawiin Ni 6. April 2026 khan Social Welfare Department hotute leh Mizoram Synod hotuten an enfiah a. Social Welfare Department hi Joint Secretary Zonunthari hovin offial 5 an kal a, Mizoram Synod lam hi Moderator Rev John Raldosanga bakah Synod Social Front atangin Rev K. Lallawmzuala, Executive Secretary, Rev P. Zohmangaiha, Secretary, Rev. Lalrinmawia leh member dang mi 3 an kal a ni.
Jordan Center hi Mizoram Sorkar chuan Mizoram Synod enkawl turin inremna kum 15 atan a lo ziah pui tawh a. A hmunhna, building leh a chhung bungrua awm te hi a nih ang ang a inpek turin an lo inrem tawh a ni.
Jordan Center ah hian Qtrs building 9, chhungkaw 30 vel awm theihna te, Office building, damdawi in bakah hmeichhia leh mipa ruihhlo ngai enkawlna hmun a hrang ve ve fencing tha tak nen a awm a. Ministry of Social Justice & Empowerment norms leh guidelines anga din a nih avangin building hrang hrang Counselling, detox, recreation, dorm, chapel etc a awm kim hle a, bungrua hi a awm tha hle bawk a, training equipments pawh tamtak a awm sa bawk.
Building te hi lian vak lo, a hrang hrang a nih avangin tun dinhmunah mi 70 atanga100 bak an leng lova. Building in hlan chhawn tur hi 40 a awm a. Repair ngaite leh thil mamawh belh te enho nghal a ni a. Synod lam hian June thla SEC ah an kalpui dan tur hi an rel fel dawn a ni.
