Tukin 7:49 AM thleng khan ZPM Thalai President leh a ho ten Brigade field an la thleng lo.
Mizoram Today thudawn danin, Tukin dar 7:00 hian MNF Thalai President Robert Romawia Royte MLA leh ZPM Thalai President Jeje Lalpekhlua MLA ten AMC Play Ground Brigade field-ah Sum hmanna dik lo a awm leh awm lo en dun an tum.
ZPM Thalai chuan April Ni 6, 2026 (Thawhtan) khan thuchhuah siamin, ZPM Thalai General Headquarters OB Meeting chuan, MNYF President Robert Romawia Royte Hachhek Bialtu MLA chu AMC Play Ground Brigade Field enho puiah an sawm a. April Ni 6, 2026 hian OB Meeting pawimawh tak an President Jeje Lalpekhlua South Tuipui Bialtu MLA ho a an neih thu an sawi bawk.
ZPM thalai OB Meeting chuan, Tun hnaiah MNYF President Robert Romawia Royte chuan Press Conference neiin, AMC Play Ground Brigade field-ah Sum hmanna dik lo a awm lo anga a sawina chu veng mipuite leh thalai infiammite zah lohna-ah ZPM Thalai Gen. Hqrts. chuan an ngaih thu an sawi a. ZPM Thalai OB Meeting Chuan MLA zawhawm tak Robert Romawia Royte hian a hman hun leh ni te ZPM Thalai min rawn hriattir se la, A ma ho ngei a Bridage field siam dan va en ho puiah kan sawm nghal bawk a ni, an ti.
ZPM Thalai President sawm ang hian Tukin April Ni 13, 2026 (Thawhtan) hian MNF Thalai President leh ZPM Thalai President hian AMC Play Ground Brigade field-ah Sum hmanna dik lo a awm leh awm lo hi en dun an tum ta a. Tukin 7:49 AM thleng kha chuan ZPM Thalai President leh a hote hian Brigade field hi an la thleng lo a. MNF Thalai President leh a ho te erawh chu 7:00 AM vel khan a hmun an thleng tawh thung ni a thudawn a ni.
