Tun hnaia MNA inti leh Ex-MNA te min hriat pawlh suh u. Ex-MNA
Vawiin ni 31. 3. 2026 khan Ex-Mizo National Army (Ex-MNA) General Headquarters chuan thuchhuah siamin, tun hnaiah Youtuber pakhat Engkima Ralte Kawlni inti chuan, a channel-a a tih chhuah pakhat, 'MNA ten warning pe rup mai, Ralleng Tuikhur siam dan chungchang/AMC Mayor rinhlelh a ni' tih thehdarh mekah, 'MNA' tia a sawi hi, keini Mizoram in zallenna a sual laia Mizo Hnam Sipai (Mizo National Army), tuna Ex-MNA te hi kan ni lo tih Zoram mipui hriatah kan puang duh a. MNA leh keini Ex-MNA-te min ngaih pawlh lo turin Zoram mipui te kan ngen takzet che u a ni, an ti bawk.
Ex-MNA thuchhuah chuan, keini Ex-MNA chuan MNA pawl inti hi a awm pawh kan hre ngai lova, hnam sipai zinga Capt. Kapliana an tih pawh hi keini chuan a awm kan hre lo, an ti a. Tun hnaia ding thar ni awm tak MNA intite thiltih dan en hian pawl puitling pangngai chet dan a anglo kan ti a, ram leh khawtlang ṭhat na tur-a hmalatu ni lovin, ṭhenawm khawveng inhuatna mai a ang niin keini chuan kan hria. YouTube-a an tih chhuah a an thil sawite pawh hi chhui chian dawl a nih kan ring lo a, hemi chungchangah Ex-MNA chuan engmah kan hriatpui lovin, keimahni kan ni lo tih kan han puang a ni e, an ti bawk.
