Tun hnaiah Mizoram Police ten Ruihhlo thahnem tak an man.
Mizoram Police thuchhuah tarlan danin, Tun hnaia ruihhlo an donaah tha thlah lovin theihtawp chhuahin hma an la zel a, a hnuaia tarlan ang hian Mizoram Police chuan ruihhlo engemawzat tunhnaiah a man:
Dt. 31.03.2026 zan dar 8:00 PM khan Aizawl District Special Branch (DSB) team chuan Zemabawk Tawngtaimualah Thanglianmung (26) S/o Suangneihsut leh Manglianthang (23) s/o Thangchinkhuan, Thinglei, Tidim District, Myanmar ve ve hnen atangin Heroin hawng 9, (gram 104) an man. Ruihhlo hi 20,40,000/-(nuai sawmhnih leh sing li) man hu nia chhut a ni. Bawngkawn PS Case No.126/26 dt.31/3/26 u/s 21(b) NDPS Act r/w sec 21 of The Immigration and Foreigners Act, 2025 ziah luh niin ngawrh taka chhui chhunzawm a ni.
Dt. 29.03.2026 khan Saitual Police Special Team te chuan Keifang daiah Heroin gram 242.79 (hawng 20), Rs. 48,55,800 man hu chu Md Eliyach Hussain (46) s/o A.Gafur, Palhaji, Barpeta District, Assam mi, Grand i10, registration number - AR 01 G-9023 khalh, Manipur atanga Aizawl pan mek hnen atangin an man. Saitual PS Case No. 30/2026 Dt. 28.03.2026 U/S 21(b)/25 ND&PS Act ziah luh niin chhui chhunzawm a ni.
Dt. 28.03.2026 khan Saitual Police Special Team te chuan Keifang daiah checking neiin Heroin, Kg 1.927 (hawng 177), cheng vaibelchhe 3.86 man hu chu mi pahnih, Mangminlun (26) s/o Letthang, Churachandpur North, Manipur leh Ginlemlal (24) s/o Paukhohang of Tuilumjang, Churachandpur District, Manipur te kut atangin lirthei, Kia Seltos var, registration number AS 01 EP -1751 a Manipur atanga Aizawl an pan laiin an man. Saitual PS Case No. 29/2026 Dt. 28.03.2026 U/S 21(c)/25/29 ND&PS Act ziah luh niin chhui chhunzawm a ni.
Dt. 27.3.2026, zan dar 1 AM khan Saitual Police chuan Keifang dai, Kualmawi-ah Checking neiin Manipur atanga Aizawl pana kal lirthei pakhat, Bolero Neo, Registration No. MZ 01 AD 6552 Zamchinlam (27) S/o Dongzakhal, Changlei, Churachandpur District, Manipur leh a mi phurh Dothanglen (Lelen) (36) S/o Jamngam (L), Songpi, Churachandpur District, Manipur te chuanna chu uluk takin an check a. Lirtheiah hian Heroin hawng 200, Kg. 2.298 a rit, cheng vaibelchhe 4.596 man hu an man. Saitual PS C/No.28/2026 Dt.27.03.2026 U/S 21(c)/25/29 ND&PS Act ziah luha chhui chhunzawm a ni.
Dt. 25.03.2026 zing dar 09:00 AM khan CID (SB) Operation Team chuan Truck pakhat (MZ 01 F 8402), Seling lam atanga Aizawl pana kal chu Tuirial lei bulah check-in, uluk taka endik a nih hnuah Methamphetamine mum (Yaba) Kg. 19.836 a rit, Rs. 15,86,88,000 man hu chu motor headliner chhunga chamber siamchawpa thuhruk man a ni a. Hei bakah hian SIG SAUER pistol pakhat (P320SP model, serial number: 58C159642, Newington, NH, USA), a mu (9mm) – 40 leh a magazine pahnih pawh hmuh chhuah a man a ni bawk. A lirthei khalhtu, Lalhnehzova (23 yrs) s/o Lalengmawii, Vengsang, Zokhawthar, Champhai District chu man nghal a ni. Special Narcotics PS Case No. 13/2026 dated 25.03.2026 under Sections 22(c)/25 of the ND & PS Act read with Section 25(1AA) of the Arms Act ziah luh niin chhui chhunzawm a ni.
