YMA Group lian ber Zawlbuk Group YMA Inkhawmpui vawi 45-na hmang mek.
Vawiin Ni 10, April 2026 khan RD Minister Prof. Lalnilawma chuan Zawlbuk Group YMA inkhawmpui vawi 45-na, Seling Branch YMA Run-a neih chu a hmanpui.
Prof. Lalnilawma chuan thu sawiin, YMA chu sorkar department nen tuihna humhalh kawnga thawk dun reng an nih avang leh pawl hlun ber pawl a nih angin, sorkar pawhin a ngaihlu hle tih a sawi a. YMA-in kumpuan Ruihhlo do a kalpui pawh ṭha a tih thu sawiin, ram hmasawnna tura YMA hmalakna chu zahawm a tih thu a tarlang bawk a ni.
Prof. Lalnilawma chuan Zawlbuk group YMA huam chhunga khaw hrang hrangte tan, tui leh kawlpetha lama an hnianghnar leh zualna tura hmalakna kal mekte tarlangin, Vawmhraw tui lakna tur Project - Thingsulthliah khua, Tlangnuam leh Seling chawm tur leh Zawlbuk huam chhung khua ten kawlphetha hnianghnar zawka an hmuh theihna tur Thingsulthliah Power & Electricity Sub-Station tih changtlunna tur project te chu sorkarin a pawm tawh thu a sawi bawk a ni.
Tun dinhmunah Zawlbuk Group YMA huam chhungah hian Branch 24 awmin, Member 11690 an awm a. Central YMA hnuaia Group lian ber an ni mek a ni.
