Aizawl-a hmun pawimawh zawng2 hi MNF kutchhuak deuh vek a ni. Dr. Thangtea
Vawiin April ni 4, 2026 (Inrinni) khan Dr.R.Lalthangliana MLA, Sr.Vice President chuan AMC election lo awm tur campaign-in Durtlang (Ward No I) Bawngkawn (Ward No II) leh Bungkawn (Ward No. XV)-ahte hun hmangin party hruaitute nen inkawmhona an nei.
Dr. Thangtea chuan thu sawiin, "Khawpui tana Municipality nih pawimawhzia hriain AMC hi MNF-in a din a ni a. Aizawla hmun pawimawh tak tak Millennium Centre, Ch Chhunga Bus Terminal leh Ch Saprawnga Truck Terminal zozaite hi MNF kutchhuak a ni. Chaltlang kawng tih zauhte leh Durtlang kawng, tuna kan hmuh anga tihzauhte hi MNF khan a thawk bawk a ni," a ti. "MNF hian Aizawl hmasawnna tur hi a lo vei tawh ṭhin hle a, hna pawh a thawk nasa tawh hle. Tun inthlanah pawh hian Aizawl tana hnathawk thei turin mipui hian AMC dintu MNF Official candidate-te thlang tling se kan duh hle a ni," a ti a. Aizawl-a hmun hma pawimawh zawng zawngte hi MNF kutchhuak deuh vek anih thu a sawi.
Dr. Thangtea chuan, MZU te, IGFAI University te, Vety College-te, UD & PA department leh Information & Technology department te, Ramhlun Sports Complex siama din tu, Aizawl khawpuia chengte Tui hnianghnar tak pek an nih theihna tura Greater Aizawl Water Supply Scheme Phase II din tu, Assam Rifles Khatla a an awmna a New Capital Complex dintu leh building pawimawh zawng zawng satu, Treasury Square atanga Pachhunga University College panna kawng zauh tu, Sakawrtuichhun rama Sahuan (Aizawl Zoo) din tu, Aijal Club din tu, Chaltlanga Lalsawia Bus Terminal dintu, Aizawla mirethei In (BSUP building) sak sak tu, Aizawl City Centre siama din tu, Durtlang kawng zauha siam tu, Aizawl Bypass road- Falkland Melthum world bank suma siamtu leh Aizawl via Thenzawl, Lunglei world bank road laitu chu MNF sokar a nih thu MNF Senior Vice President chuan a sawi bawk.
Dr Thangtea chuan, "Sawhthing hralh chungchangah loneitute an mang a ang mek a. Sorkar hian kuthnathawktute tharchhuah zaa 25% pawh an lei rih lo a, an mangang tak zet a ni. Kuthnathawktuten an thawh rah hi a rang thei ang berin seng ngei se MNF chuan kan duh tak zet a ni," a ti bawk.
