AMC-a kan sorkar chuan khawpui chhunga ran vulh dan leh Building Regulation 2007 ennawnin a tul angin kan siam tha ang. Lalnghinglova Hmar
Vawiin Ni 6, April, 2026 khan ZPM General Headquarters chu an party office-ah chhung inkhawm neiin, ZPM Adviser Lalnghinglova Hmar chuan thu a sawi.
Pu Lalnghinglova Hmar chuan, “Tuna dan kan hman mekah Aizawl khawpui huam chhunga ran vulh phal loh hi ennawn a tul a, veng hrang hrang local council-te nen inrawn tlangin vulh theihna hmun tur leh veng te siamfel a ngai a, hei hi kan ngai pawimawh takzet a ni. Tin, in sak buaipui chhung rei lutuk tih ziaawm nan Building Regulation 2007 leh Site Development Modification Regulations, 2017 te ennawnin a tul anga siam that a ni ang a, in sak buai chhung rei lutuk hi mipuite harsatna tawh lian ber pakhat a nih avangin ZPM sorkar AMC kan siam a nih chuan in sak a awlsam tawh dawn a ni,” a ti.
