BJP-in AMC-ah Sorkarna kan siam a nih ngat chuan inrelbawlna ṭha zâwk kan siam dawn. State Vice President
BJP Mizoram chuan vawiin 10th April, 2026 hian Friday Political Session neiin Pi C. Lalbiakkimi, State Secretary-in inkhawm a kaihruaia, Pu Vanupa Zathang, IPS (Retd) & State Vice President-in thusawina hun a nei.
Pu Vanupa Zathang chuan thusawiin, "AMC Election kan hma lawkah kan nei dawn a, Aizawl khawpui hmel hmang lanna tur kan thlang dawn tihna a ni a, Mizoram hmelhmang lanna pawh a ni tel dawn a, hmasawnna tak tak pe theitu kan thlan thiam a pawimawh hle a ni," a ti.
Pu Vanupa Zathang chuan, "Municipal Corporation din chhan leh thil tum hlauh ṭhaka Politics khelh te hi a hlauhawm hle a, Aizawl khawpui hmasawnna tur a din a nih angin, AMC chuan Aizawl khawpui enkawl tur bik atana din a nih angin, tuna kan kal phung mek aia ṭha zawka kal a ngai a, hnathawhna tur sum leh pai kan mamawh hnem hle a ni, tuna AMC enkawlna sum kan hmuh te hi hmasawnna tak tak thlenpui tur chuan a bei tham hle a, keini BJP-te hi AMC enkawla mipuite'n min thlan tlin chuan tuna kan dinhmun aṭanga hmasawn dawrh theihna tur Central Sorkar puihna in kan nei thei dawn a ni," a ti.
Pu Vanupa chuan sawi chhunzawmin, "BJP-in AMC-ah Sorkarna kan siam a nih ngat chuan inrelbawlna ṭha zâwk kan siam dawn a, kan Manifesto-te hi min zir chian sak turin Aizawl Miputte kan sawm che u a, Mizo ṭhalaite pawhin lo zir chiang se, Ṭhalaite hmakhua ngai a Manifesto ṭha tak kan siam te hi kan siam satliah lova, Central Approved thlap a nih avangin tihhlawhtlin ngei ngei tur a ni tih Aizawl mipuite kan hriattir che u a ni. BJP chu Manifesto anga kal ṭhin kan nih avangin Aizawl khawpui hmasawn nan BJP Candidate-te khawngaih taka thlang tling turin kan ngen a che u," a ti bawk.
