Aizawl-a MLA nei vek, Minister nei fur bawk, chuti chunga an solid thei lo kha a zahthlak. K. Hrahmo MLA
Vawiin khan BJP Mizoram chuan karthar inhlanna leh political session an nei a. MLA & State Core Group Member nibawk K. Hrahmo chuan thu sawiin, "AMC inthlan result kha ZPM tan lawmawm angin lang mahsela, an solid thei lo kha a mak hle zawk a, ka beisei an pha lo a ni, a ti.
K. Hrahmo chuan, Aizawl khawpuiah MLA an nei vek a, Minister-te an nei fur bawk a, chuti chunga an Solid thei lo kha a zahthlak hle a, inchhuanna tur chi ni lovin, an MLA neihna bial vek ah AMC Seat hnih an chan a. Chumai ni lovin, a hun takah inthlan an ngam lo bawk. A chhan chu, artelukawn an hlauva, VC/LC inthlan kha Sawhthing lei hmain an sawn hma a, AMC inthlan erawh kawng siam hnu ah an sawn thung a, chu an kawng siamna pawh mipui sum a la ni leh nghal a, thil man tih tlawm min tiam a, Buhfai man an ti sanga, Electric Bill, Petrol leh a dangah a man an ti sang bawk, thawhchhuah an neih loh vangin mipui min rawk hle a ni. Chumai ni lovin, AMC-ah Vote tla 66.77% a tla a, Aizawl mipuiin ZPM Sorkar ah beisei an nei tawh loh avangin Vote pawh an thlâk ṭha peih lo hial a ni," a ti.
