BJP Mizoram in Union Budget pharh tur leh pharh tawh chungchang sawiho.
Vawiin khan BJP Mizoram chuan Kum 2026-2027 Union Budget pharh tur chungchang leh Union Budget pharh tawh chungchang an sawiho.
He sawihona hi State Vice President Pu Vanupa Zathang leh State Jt .Treasurer Pi Lalremsangi Fanai ten Union Budget chungchang an sawi a. Pi Lalremsangi Fanai chuan, "EU nena sumdawnna lama thawhdunna an siam 'Mother of all deals' chu a ropui hle a, Pu Modi-a kaihhruai sorkar chak zia leh ropui zia a ti lang chiang hle a ni, a ti a. Hei hian sum tam tak a thawk chhuak dawn a, GDP ah hma kan sawn phah dawn bawk.
Pi Lalremsangi chuan, Kum 2014 aṭanga chhutin India ram hi economy-ah a ṭhang nasa hle a, eizawnna mi tam tak tan siamsak niin, health care tih changtlun a ni a, zirna tih hmasawn a ni a, in nei lo tan in sak sak niin kuthnathawktute tih hmasawn an ni, a ti a. Kan Prime Minister Pu Modi-a chuan India ram chu European Union tan pawha thawhpui chakawm ah min chhuah tawh a, a ropui zia hi Mizoram mipuite hian chhut ngun a ngai takzet a ni," a ti bawk.
Pu Vanupa Zathang pawh in, "India ram chu infrastructure ah ram ropui tak tak elpha thei tur khawpin hma a sawn a, Finance lamah Central Sorkar an thiam êm avangin thil man rawn to chungchang-ah pawh, kum 2025 khan thil man pun lamah pawh kan hniam ber a. Skill Development lamah India a sang hle a, hei hian ṭhalaite tan hna a siamsak a, hmeichhe tam takin hna an nei tawh bawk a, inthliarhranna a bo telh telh tawh a ni. 5.3% in retheihna a tlahniam a, thingtlang kalpawhna siam a ni zel a, 81% aia tam thingtlang khua chenna in ah tui connection pek niin crore 2.9 aia tam in sak a ni tawh bawk a ni," a ti.
