Vawiin khan Congress Party chuan thuchhuah siamin, Tunhnaia Lengpui Airport bula Indian Air Force in ram diklo taka an lei leh Compensation tam uchuak tak pek a ni te, mantang ei tamtak an awm ni a lang chungchangah hian ZPM Val Upa Council te inrawlh a, chhui chianga action la turin Congress Party chuan an phut tih an sawi.
Congress Party chuan, ZPM hian kum 2023 inthlan hma khan thutiam tamtak an nei, chung zingah chuan Val Upa Council thuneihna leh an function chungchang a tel a, ZPM Constitution 4:4 ah pawh a inziak a ni. ZPM hian an sorkar hma khan an sawi pawimawh in, sorkar khalh ngiltu tur, zilh ngai zilh a, ban thei hial tura thuneihna pek an niin an sawi a ni, an ti.
Congress Party chuan, He ram diklo taka inleina chungchangah hian MNF sorkar kalta khan ram inlei phalna an pe a, ZPM sorkarah hralh a ni thung an ti a. An ni party pahnih hi an fihlim lova, mahse pawisa dawngtu zawk chu an awm tih Hriata Chhangte chuan Youtube ah a sawi chiang a, kut an thlak ve ve avangin inpuh tur chuang bik an awm lova, ram leh hnam pawi nasa takin an khawih a ni tih inpawmin Mizoram mipui hnenah ngaihdam dil se, an tihsual hi siamtha se kan duh bawk a ni, an ti bawk.
