Congress Party kawngzawh in Resolution 3 an pass.
An Resolution Pass te chu :-
1. BJP Sorkar-in MGNREGA ( ni za inhlawhna), G-RAM-G-a a thlak hi MPCC chuan India hnam pa Pu Mahatma Gandhi hming paih bo tumnaah a ngai a, a dem takzet a ni. Tin, State sorkar tum ve tur 10% hi Mizoram Sorkar-in a pek theih loh phei chuan kalpui theih a ni dawn lo a, mi retheite tan a pawi hle dawn a ni.
Tin, MGNREGA (ni 100 aia tlem lo inhlawhna) kha chu sorkarin mi rethei zawkte hnena a tih ngei ngei tura duan, mipui right (guarantee) a ni a. G-RAM-G erawh hi chu sum awm dan a zira kalpui tur a ni ringawt tawh a, mipui tan a him lo zawk daih a ni. Chuvangin, a rang thei ang ber a MGNREGA a let leh vat tura Central sorkar nawr turin ZPM Sorkar kan phut a ni.
2. Lengpui Airport bul ram hralh leh lei chungchangah hian eirukna lian tham tak a awm niin a lang a. Hemi chungchanga thudik tak hriat hi mipuite chanvo a nih angin Mizoram Sorkar hian a rang thei ang berin thudik puangchhuak thuai rawh rawh se. Tin, an party hruaitute zingah man tang ei an awm leh awm loh a rang thei ang bera puang turin ZPM leh MNF Party-te hi kan phut bawk a ni.
3. BJP leh a thawhpuiten sorkarna an chan a\anga India rama Kristian-te tih duh dahna nasa taka lo pung ta hi Congress Party chuan kan dem takzet a. Sakhaw Zalenna ram kan nih ang ngei a Kristian-te tih duh dahna hi ti tawp nghal turin BJP Sorkar kan phut a, Kristian Chief Minister dangte anga Christian-te thlavang hauh a che chhuak ve tawh turin Mizoram Chief Minister kan phut a ni.
