AMC-a kan sorkar chuan Corporator ten sum hmanna dik an kalpui dawn. MPCC President
Mipui phurrit siamtu ni lovin chhawk zangkhaitu zawk ni turin theihtawp kan chhuah dawn. Dr. Mala
Nimin April ni 2, 2026 (Ningani) khan Aizawl Municipal Corporation Election inbuatsaihna atan Ward No XVIII leh XIX te chuan Thakthing Zawlbukah Join Political Training neiin MPCC President Lal Thanzara chuan a hmanpui.
MPCC President chuan, AMC ah kan Sorkar a nih chuan, sum hmanna hi dik takin kan Corporator te hian an kalpui dawn a. Aizawl khawpui hi a chep tawh em em a, Urban Planning mumal neih a ngai a, ruahmanna thar neih a ngai tawh hle. Congress party in chakna kan chang a nih chuan, AMC hian a thawh tur dik tak Aizawl khawpui hmel ti danglam dawrh khawpin hmasawnna atan a thawk dawn a, Master Plan for Aizawl Vision 2030, Congress sorkarin a lo duan tawh vawiin thlenga bawhzui loh hi a duangtu kan ni a, kan tihlawhtling dawn a ni, a ti.
MPCC President chuan, AMC-a Congress Candidate te hi tawn hriat nei ṭha, Local Council Member te an nih bakah kohhrana rawngbawltu ṭha ber berte an ni a. Milar leh mihausa erawh Candidate atan kan nei ve lem lo. Kan beisei erawh a sang a ni, a ti bawk.
AMC Ward no XIX Candidate leh MPCC Treasurer Dr. Lalmalsawma Nghaka pawhin thu sawiin, kan hma AMC inthlan lo awm turah hian Congress Party te hian mipui rawngbawlnaa tawnhriat neih naah Candidate kan nei ṭha ber a. Khawtlang enkawlna a experiance nei tak takte an ni hlawm. Congress candidate te hi mahni in dah tha a, nasa tak a mipui rawng lo bawl tawh thinte an ni a, hmangaih takin kan chenna Aizawl hi enkawl kan tum a, mipui phurrit siamtu ni lovin a chhawk zangkhai zawk ni turin theihtawp kan chhuah dawn a ni, a ti.
